Silay(Maya-maya)

Difficulty Level: Moderate (Pay kaadong kaatubang habang nagkakape)
-----------------------------------------------------
-----------------------------------------
SILAY(MAYA-MAYA)
Dahil nak panahoney it Silay(Maya-maya nak Isra) nagsaydo kami rapit/tungor it Napocor sa Hambian.
Kag ak' barkadang si Budo-budo ay magkaparehot taas ni Arupilan, sinra ay parehong 1.8 yarda yang it taas.
Kag kami'y asa yaworey puspos ka kahabaan it Simara ka unang naghuyog it nylon ay si Arupilan sumunor si Budo-budo.
Ugaling sa inrang ruha ay una akong nakakubit. Nakita ako ni Budo-budo nak nakausay it Silay.
"Pare pilang rupa ng ing huyog?" siling ni Budo-budo
"120 nak rupa yang pare." sabat nako
"Nak pila ng imo raha hapit? sugrong pa nako
"100 rupa yang." sabat ni Budo-budo
"Kada yaki" siling nako
Kag pagpauli namo ay kag kang Budo-budo ka mga nagkubit ay buntan ag tambor yang. Kasadya sida dahil kag mga nakahunga sa nylon ag nagyinutaw nak silay halin sa amo ay sidat nakabaoy. Bale ka ida raya ay:
10pcs Silay (1.5 kg per piece)
5pcs Buntan
3pcs Tambor
Kag kang Arupilan ay:
6pcs Silay
Kag ako ay:
3pcs Silay
Pangutana: Pilang piye/feet kag rayom sa ing huyogan ni Budo-budo asing buntan ag tambor yang kag nagkubit?
Banat!!!!!

Read more »

Asi Rebus

Asi Rebus:

Read more »

Difficulty:ModerateSa Guinsiba ay ingwat magkumpare mula it kag sinray mga igong-igong pa yang ay magkabarkday sinra. Ka ngayan ninra ay si Kuyaba ag si Kuyagi. Nahingwaran sinrang ruha nak Tokey halin sa 2K. Dahil nak nakatapos yang si Kuyaba it grade 6 ay asa Bantoon yang sidag yuntar. Ag ka ida palipas oras ag obra ay mayangitero. 50 nak puno ka ida ing guguhuran ag umabotey it sampuyong tuig na waya palya. Ag tanang budok nak naguutwang ay pulos ing pungoyan agor makakaramot tuba. Kada ala una pa yang hanggang alas kwatroy asa tumboey sidat nidog makikita. Kiong si Kuyagi ay nakatapos it Chemical Engineer. Ngasing nagpauli si Kuyagi para makabisaya si Kuyaba sa nadiskober nidang pwede yaking makasayor si Kuyaba it tatlong litrong tuba kada minuto. Pagbisita nida sa inra bayay--(holy week kii)ay asa tumbo yakit nidog nak nagguguhorey. Dahil sa perting hapo it tukar inuhaw si Kuyagi.
"Pare mahagar bagat butong. Perting uhaw"--bisaya nida.
"Ak ataw-an ka nakot butong kung ayam nimo kung pilang beses maglibor ka iro bag-o magkatuyog." Sabat nidang habang nagpupungoy it budok.
Sumabat ngani kiong si Kuyagi marahil narayan nida kii sa Chemistry nak subject kada ayam kung nio ka sabat.
"Tama ka pare. Lol" sabat nida

♥♥♥♥♥
Imaw kali kag pangutana:
Nio ka sabat ni Kuyagi ag pilang butong ka ing tao sa ida?

Malargoy nak nagigihitey kag hunas.

Read more »

Prinsesa Leryosa

Difficulty:Moderate Easy

Sa Kaharian it Suyok it Mar-as ay ingwat pagkagandang prinsesa. Ka ida ngayan ay si Prinsesa Leryosa. Anak ni Reyna Kamantigue ag Haring Caballero. Ugaling sida ay naposes o asa irayom it sumpa ag matinding mahika ni mangkukulam nak si Kokarmen. Sida ay mahigit 100 tuigey nak nagyuyuha sa sobrang kayangkagan. Ag dahil ka ida kabangyohan ay waeyg kakalat sa kaharian, miskan hudopon man it hanging Amihan ag hanging Habagat o miskan hanging tiral kag tanang ida nasasakupan ay rayahigey ag pulos yukmoy sa kayangkagan --tanan sinra ay pulos nagyuyuha. Sa yudo it kayangkagan ingwat usang nagpapaka-il-il. Baga liogey ka ida guya. Imaw kii si Mangkukulan nak Kokarmen nak usang piye ka habang it ilong. Bulag ka kayudong mata dahil sa katarata nak pagkahilig sa coconut candy nak guing babaligya dati na Hansel ag Gretel. Kulot kag ida buhok nak ing pasyober sa napirdeng kaidamo sa Caijo sa Dawo. Pagkatindi kag ida mahika. Miskan taa arayanon sa maadong estoryahan/huntahan ay indi talaga makaya dahil mayado pa yang ay nagyuyupap-itey kag mapayungot dahil sa persadot gahoy ag bugtuan pa. Karamoey nak nagattempt sa parayang kina ugang miskan usa sa inra ay waya it nagsuccess pulos sinra nagtaliwan. Ag usa pa tanang guing bibisaya sa kalaban it kiong si Kokarmen ay nagiging klaro. Katindi talaga ka ida mini-mini.
Ngasing ingwat nagsuor nak estranghero sa haring Caballero. Nasaduran nida sa estranghero nak ingwat usang weakness si Mangkukulam nak Kokarmen para maperdi o mabaliktar kag sumpa. Ka kinahangyan kuno ay magtakaw it kinaoyhan(pasintabi sa mga nagkakaon) ni Kokarmen. Kinahangyan nak waya sa bayay nida si Kokarmen bago himuon kag orasyon agor indi nida masaduran nak ingwat ing himong kababalaghan sa ida bayay. Umabotey kag oras nak pagbuka it liong buyak nak 4oclock imaw rang pagtamwa ni Kokarmen sa ida bayay. Dahil nak naperdi sidat dosyentos sa lucky 9 ay kataas ka ida presyon it rugo. Umabot it 200/120. Tamang abuksan nida kag ida hagran ay nakita nidang punot samhor it batas kag tyakor. Perting kamangit ngasing nida. Halos umukaw it yain dahil nalipasan pat gutom.
Mayagat-yagat ay marurungog kag makusog nak mga gur-anan, kantahan, mga tunog it siki dahil sa sadaw nak regudon, ag mga nagsasyanaw nak kwitis nak halin pat Bulacan ag kag bangyong imawt nagtataot kulay halin kang Prinsesa Leryosa.
And they lived happily ever after!!!
Pangutana:Nio ara kag guing bisaya ni Mangkukulam nak Kokarmen para mabaliktar kag sumpa o maperdi sida?
Malargoy nak mapailig pat tubi.

Read more »

Batong Yagting

Si Haring Maninigpo sa Kaharian it Yuksohan ay ingwat pagkarakong problema. Kag ida kuno haling si Kasuyon ay nakidnap ag ka kabaydo ay usang maisoteng pisngoy it yagting nak nagligras sa Matagar dahil sa pagpasopaso ni kumpareng Gidawan. Ugaling kag pagkatugas nak yagting ay kailangan kunong mapaduta sa lalong madaling panahon ag ka gusto ay kag mismong nagpaduta it mahalar sa hari. Perting panguyo-kuyo ngasing ni Haring Maninigpo kung nio ka maadong buhaton. Panawagan ray rabuno sida mula Siocan, Mainit, Tinigban, Mas-ing, Banlas, Guyangan, Buho sa Sibay. Pinangayaba kag tanang mga meriko, manghihilot ag magugbuga kung sio ka makakaisip it parayan kung paunong mapaduta kag bato sa lalong madaling panahon.

Kung ikaw ay nio abe ka abuhaton?
Hala panghiperey ag sumakayeyt motor.

Read more »

Taganating Batag

Difficulty:MEDIUM HARD
Tagnating Batag
Si Aling Aringguinding ag kiong ida kumadreng si Talande ay magbestfriend sa pagpanihi. Ka inra perming kanunot ay si Karlubang nak pagkahilig mag mumukmok it maskada habang nagyuyuwoy. Imaw nida kiit sekreto kung asing bawat paragat ay ingwat kugetang raya. Dahil sa estorya it inra mga ola ag olo nak kung sa panahon kunot kabukogan ay dapat kunong kumaon it tagnati. Kada sinrang tatlo ay pulos nagpabida kag asa baktasoney nag naghuhuyat it karak-an it hunas. Si Aringguinding ay ka inabuhat ay nakaon it sangbilog nak tagnati it usang usngaban ag wayag uut-ota baoy sanakranaan kuno ka kabukogan. Kio rang si Talande ay pabida guihapon. Kag ida kuno ay inabika, inabiliboran it peanutbutter, icecream nak ka flavor ay kinayo ag araro ag inabutangan it cherry karunganan ka pagonline sa facebook baoy nakraan kuno ka kabukogan. Sosyal di ba? Indi rag pahuli liong ato pobreng si Karlubang. Ka ida teknik ay inayamas ag butangan it harina, asukar ag ibutang sa mantika. Apayamigon pagkayuto ag inakaon ay waya pakuno naruot sa yuba ay waey kag kabukogan. Ngasing sinrang tatlo ay pagkasikat sa Tungonan dahil raha sa balitang kabukogan. Pagkaramong nagpapangutana kung nio ka inra sekreto. Ausa yang ka inra sabat. Dahil kuno sa batag. Ugang durong nagporba ay waya kunog epekto. Sinra kunoy it napapakaramoan/inapakakaguran it kaon--kada halos waey it maibaligyang tagnati hanggang Mainit. Kada nagbalik sinra ag nagpangutana uli. Ka inra sabat ay paniiri ng mga tamsi.
-----------
Pangutana: Niong oras dapat kumaon it batag agor mababaoy sanakraan ka kabukogan?
-----------
Hamak yang liong tatlo..
Malargoy nak maprayer meeting pa.

Read more »

Password

DIFFICULTY: INSANE
Syarong kalat kiong problema ni Haring Gupa sa buong Kaharian it Guyangan.
Dahil nak liong ida anak ag naguusang Prinsipe nak si Zuckerbird -- (sosyaley ling ngayan)ay ingwa't pagkarakong problema.
Usa kiing suyat nak maghalin kang Presing "Priscilla Chan" (usang prinsesa nak guing hihigugma it liong ato pobreng halandonon).
Dahil nak sa kaiisog it liong Tatay/Hari ni Presing inding gador kasuyor ka usang tawo sa inra kaharian kung waya password. Kada
indig gador ka 1st base ling ato bida para makabisaya ag maikag nak magpamaroto taa sa Gakot.
Imaw kii kag unor it suyat.
--------------------------------------------
1. Pagabot nimo ruto sa gate ay ingwa't pagrakong fountain. Ing ataw-an nimot kinusoy kag guard agor apasudlon ka.
2. Pagkatapos nak makasuyor ka mayukso ka rutong marakong fountain, maunos ka ag ingwat usang lagusan ruto sa wala, ruto ka narayan agor marali kang makaabot sa ako kwarto.
3. Pagtunga nimo ay ingwat usang iro nak bulag--badaey pakialami dahil buko ra kii nimo pakay sunri yang kung riin natuyaghot.
4. Makakaabot kamo sa usang pagrakong PINK nak hagran nak engwat mga Hello Kitty nak drawing -- kwarto kiit ako Tatay. Makatok ka ag isambit nimo ng password agor makakasuyor ka. Imaw kii kag para sa password ayon sa pagkasunor-sunor agor mababaoy kag sabat.
----------------------------------------------
1. Ako ay binubuo it 6 characters
2. Kag SUM it pangaruha ag pangatlong character ay 5
3. Kag SUM it panglima ag pangan-om nak character ay 8
4. Kag SUM it pangtatlo ag panglima nak character ay 2
5. Kag pangap-at nak character ay SUM it pangaruha, pangatlo, pang-lima ag pangan-om nak karakter ag equivalent sa roman alphabet
6. Kag unang character, pangaruha ag pangap-at ay usang adult nak kayaki
7. Kag kabuoan it ak' ngayan ay makikita sa Bantoon
8. Nio Ako?
hala hanraey it bioflu ag tagbak nak sabang magkapasma!!!

Read more »